Etablering av ei digital innkjøpsordning for fonogram, auka tilskot til Regionale kompetansesenter og nettverk, styrking av støtta til musikarar og arrangørar, og ei samordning og styrking av arbeidet med norsk musikkeksport er nokre av satsingsområda til Samstemt for 2010.

I sommar vert den tredje runden med INTRO-folk arrangert. Denne gongen er det seks unge folkemusikkartistar som skal kjempe om å bli årets unge folkemusikar. Dei seks utvalde artistane er Eplemøya Songlag, Marie Forr Klåpbakken, Filibuster, Kim André Rysstad, Nordafjells og Einar Olav Larsen Trio.

Styra i LfS og NFD ønskjer å vurdere Spelemannsbladet og tidlegare Kvinten, og korleis eit nytt tidsskrift kan utviklast i samband med utviklinga på feltet. Eit utval er satt ned for å sjå på dette, og skal leggja fram ein rapport tidleg i juni. Rapporten vert grunnlaget for ei lansering av eit nytt tidsskrift.

Det har teke lang tid denne gongen, men no er ho klar, den tradisjonsrike Årboka, med rykande ferske artiklar. Norsk Folkemusikk- og Danselag har i alle år arbeidd mykje med Årboka, og det er derfor ei glede å presentere den nye utgåva for medlemmer og andre interesserte.

I artikkelen "Mellom myte og markand" skriv Ola K Berge om ulike syn på tradisjon og endring i folkemusikkmiljøet. Korleis oppfattar folkemusikarar i dag at musikken vert bruka, kva synest dei om ulike måtar å presentere musikken på og korleis vurderer dei si eiga rolle som sjølvstendig musikar kontra tradisjonsberar, er vesentlege spørsmål Berge søkjer å finne svar på i artikkelen.

Les artikkel: Mellom myte og marknad | av Ola K. Berge

(illustrasjon: Morten Stoltz Vernegg -  www.mortenvernegg.no)